ГАЗРЫН ЗОРИЛГО, ЗОРИЛТУУД

Эрхэм зорилго

Үйл ажиллагааны стратеги зорилт

ЧИГ ҮҮРЭГ, ХЯНАЛТЫН ЧИГЛЭЛ

Удирдлагууд

Нэгжийн бүрэлдэхүүн

ГАЗРЫН ЗОРИЛГО, ЗОРИЛТУУД

Эрхэм зорилго

Монгол Улсын холбогдох хууль тогтоомж, олон улсын конвенц, гэрээ хэлэлцээр, Засгийн газрын шийдвэрийг хэрэгжүүлэх хүрээнд хүний олон улсын хөл хориот, мал амьтны гоц халдварт болон ургамлын гадаад хорио цээртэй өвчин, хог ургамал, хөнөөлт шавьж, мэрэгч амьтан улсын хилээр нэвтрэн, дамжин тархахаас урьдчилан сэргийлэх, хилээр нэвтэрч буй бодис, бараа, бүтээгдэхүүний эрсдэлийг тооцон, чанар аюулгүй байдлыг хангах, илэрсэн зөрчил дутагдлыг арилгуулахад чиглэгдсэн хяналт шалгалтын үйл ажиллагааг Монгол Улсын хилийн боомт, гүний гаалийн хяналтын объектэд хэрэгжүүлэх ажлыг зохион байгуулж, хяналт, шалгалтын үр нөлөөг дээшлүүлэх, хилийн мэргэжлийн хяналтын алба, хэлтэс, улсын байцаагчдыг мэргэжлийн удирдлагаар хангах бодлого зохицуулалтын үйл ажиллагааг хэрэгжүүлэх.

Үйл ажиллагааны стратеги зорилт

Хилийн мэргэжлийн хяналтын үйл ажиллагааг Олон Улсын жишигт нийцүүлэн зохион байгуулах;

Хүн, мал, амьтан, ургамлын эрүүл мэнд, бараа бүтээгдэхүүний аюулгүй байдлыг хангуулах чиг үүргийг гүйцэтгэх чадвар бүхий нарийн мэргэшсэн боловсон хүчнийг сургаж, дадлагажуулах, мэргэшүүлэх;

Бизнес эрхлэгчдэд үзүүлэх мэргэжлийн хяналт, сорилтын үйлчилгээг ханган, шуурхай, чирэгдэлгүй болгох;

ЧИГ ҮҮРЭГ, ХЯНАЛТЫН ЧИГЛЭЛ

Хяналтын чиглэл

ХМХГ нь улсын хилээр нэвтэрч буй зорчигч, бараа бүтээгдэхүүн, тээврийн хэрэгсэлд дараах чиглэлийн хяналт шалгалтыг холбогдох хууль тогтоомж, дүрэм, журмын дагуу хэрэгжүүлэн ажиллаж байна. Үүнд:

1. Мал эмнэлгийн хяналт;

2. Ургамал хамгаалал, ургамлын хорио цээрийн хяналт;

3. Эрүүл ахуй, халдвар судлалын хяналт;

4. Стандарт, чанарын хяналт;

5. Зэвсэгт хүчин болон бусад цэргийн иргэний хяналт.

1. "Эмнэлэг, эрүүл ахуйн хяналт шалгалт" гэж мал эмнэлгийн зориулалтаар хийх хяналт шалгалтаас бусад хүмүүсийн эрүүл мэнд, амь насыг хамгаалах зорилгоор хийж буй хяналт шалгалтыг

2. "Мал эмнэлгийн хяналт, шалгалт" гэж хүн, малын эрүүл мэнд, амь насыг хамгаалах зорилгоор амьтан болон амьтны гаралтай бүтээгдэхүүнд хийх эрүүл ахуйн хяналт шалгалт болон мөн амьтны гаралтай өвчинг тээгч эд зүйлс, эсхүл ачаанд хийх хяналт шалгалтыг.

3. "Ургамлын хорио цээрийн хяналт шалгалт" гэж хорт ургамал болон ургамлын гаралтай хорио цээртэй бүтээгдэхүүнийг улсын хилээр нэвтрүүлэх, тархахаас урьдчилан сэргийлэхэд чиглэсэн хяналт шалгалтыг.

4. "Техникийн стандарт, чанарын шаардлагад нийцүүлэх хяналт шалгалт" гэж ачаа нь холбогдох хууль тогтоомж, журмаар тогтоосон олон улсын болон үндэсний стандартын шаардлагыг хангаж байгаа эсэхийг тогтоох.

БҮТЭЦ, ЗОХИОН БАЙГУУЛАЛТ

Мэргэжлийн хяналтын ерөнхий газрын шинэ бүтцээр хилийн мэргэжлийн хяналтын албыг Хилийн мэргэжлийн хяналтын газар болгон Экспорт импортын хяналтын хэлтэс, Эрсдэлийн үнэлгээ, удирдлага зохицуулалтын хэлтэс гэсэн 2 хэлтэс, 17 орон тоотойгоор зохион байгуулсан.

Удирдлагууд

Нэгжийн бүрэлдэхүүн