Авилгалаас ангид, ёс зүйтэй хяналтыг төлөвш ...
 Удирдах ажилтны нэгдсэн сургалт өчигдөрөөс ...
 Мэргэжлийн хяналтын баруун бүсийн зургаан ...
 Улсын байцаагчид Төрийн одон медиалаар шаг ...
 Буриад улсын Хүний аюулгүй байдал, хэрэглэг ...
  • 01_health
  • 02_labor
  • 03_infrastructure
  • 04_environment
  • 05_agriculture
  • 06_border

Видео мэдээ

Зулзаган хус-Шалгалт

Мод тарив.

Эмийн чанар, аюулгүй байдал

Санал асуулга

Мэргэжлийн хяналтын газрын үйлчилгээ
 

Санал асуулга

Мэргэжлийн хяналтын газрын үйл ажиллагаа
 
МХ-ын байгууллагын ёс зүйн хорооны тухай танилцуулга PDF Хэвлэх И-мэйл
2010 оны 7-р сарын 15, Пүрэв гариг, 17:18

МЭРГЭЖЛИЙН ХЯНАЛТЫН БАЙГУУЛЛАГЫН ЁС ЗҮЙН ХОРООНЫ ТУХАЙ ТАНИЛЦУУЛГА

Нэг. Ерөнхий мэдээлэл

“Төрийн албаны тухай хууль”-ийн 13 дугаар зүйлийн 13.1.5 /төрийн албан хаагч нь төрийн албаны болон төрийн албан хаагчийн ёс зүйн хэм хэмжээ, төрийн байгууллагын соёл, дэг журмыг сахиж, төрийн байгууллага, албан хаагчийн нэр хүндийг эрхэмлэн сахих үүрэгтэй/, МХЕГ-ын даргын 2009 оны 09 дүгээр сарын 21-ны өдрийн 223 дугаар тушаалын хоёрдугаар хавсралтаар батлагдсан “Мэргэжлийн хяналтын ёс зүйн хорооны дүрэм”-ийн 5 дугаар зүйлийн 5.1 /улсын байцаагч албан үүргээ гүйцэтгэх болон биеэ авч явах байдлаараа улсын байцаагчийн ёс зүй, хууль дээдлэх ёсыг үлгэрлэн харуулж, төрийн албан хаагчийн нэр хүндийг өндөрт өргөн, аливаа зохисгүй үйлдэл гаргахгүй байх үүрэгтэй/ гэж тус тус заасны дагуу мэргэжлийн хяналтын байгууллагын улсын /ахлах/ байцаагчид төрийн албаны болон төрийн албан хаагчийн ёс зүйг чанд сахих үүрэгтэй.

Гэвч улсын байцаагчид албан үүргээ хангалтгүй биелүүлэх, тэдний үйл ажиллагаа, үйлдсэн эрх зүйн баримт бичиг, ёс зүй, сахилга, хариуцлагын талаар иргэн, аж ахуйн нэгж, байгууллагаас гомдол гаргах асуудал гарсаар байгаагийн зэрэгцээ эрх зүйн баримт бичгийг үндэслэлгүйгээр үйлдэх, албан тушаалаа ашиглан эрх мэдлээ хэтрүүлэх, хяналт шалгалтыг дутуу гүйцэтгэх, ёс зүйн дүрэм зөрчих, зан харилцааны доголдол гаргах зэргээр үүрэгт ажилдаа хариуцлагагүй ханддаг зөрчил улсын байцаагчдын дунд арилахгүй байгааг цаашид таслан зогсоох мөн 2010 оныг улсын байцаагчийн хөгжлийг дэмжих жил болгон зарласантай холбогдуулан улсын байцаагчдын ёс зүй, сахилга хариуцлагыг дээшлүүлэх зорилгоор МХЕГ-ын даргын 2010.02.18-ны өдрийн 67 тоот тушаалаар Мэргэжлийн хяналтын байгууллагын ёс зүйн хороог байгуулан ажиллаж байна.

 

Хоёр. Ёс зүйн хороо, хийж гүйцэтгэсэн ажлын талаар

2.1. Ёс зүйн хороо /цаашид “хороо” гэх/ нь ёс зүйн дүрмийн хэрэгжилтэд хяналт тавих, улсын байцаагчийн ёс зүйн зөрчлийг шалган тогтоох үүрэгтэй бөгөөд хорооны даргаар МХЕГ-ын Уламжлалт анагаах ухааны эм, эмчилгээ, оношилгооны чанарын хяналтын улсын ахлах байцаагч Ж.Тогтохбаяр, гишүүдэд П.Шаравхорол /МХЕГ-ын Санхүүгийн хяналт шалгалтын улсын ахлах байцаагч/, З.Отгон /МХЕГ-ын Байгаль орчны хяналтын улсын ахлах байцаагч/, Л.Цэцэгсайхан /МХЕГ-ын Хөдөлмөр, нийгмийн хамгааллын хяналтын улсын ахлах байцаагч/, Ч.Үржээ /НМХГ-ын Эрүүл мэндийн хяналтын улсын ахлах байцаагч/, С.Батмөнх /Чингэлтэй дүүргийн МХХ-ийн Боловсролын хяналтын улсын ахлах байцаагч/, Ч.Алтанцоож /МХЕГ-ын Хуулийн асуудал хариуцсан ахлах мэргэжилтэн/ нар сонгогдон ажиллаж байна.

2.2. Байгуулагдсанаас хойш 4 сарын хугацаанд 2 удаа хуралдаж зохион байгуулалтын арга хэмжээ авч эхний ээлжинд сахилгын шийтгэл авагдсан ажилтнуудын тухай мэдээллийн санг системийн хэмжээнд үүсгэн цаашид дүрмийн 6.1 /Хороо орон тооны бус ажлын албатай байна.../, 6.3 /Ажлын алба орон нутгийн мэргэжлийн хяналтын байгууллагад өөрийн төлөөлөгчтэй байна. НМХГ болон Нийслэлийн 6 дүүрэгт дэх МХХ-т эрх зүйн мэргэжилтэн, Аймгуудын МХГ-т дотоод ажил хариуцсан мэргэжилтэн, Хилийн МХА-нд орлогч дарга ажлын албаны орон нутаг дахь төлөөлөгчийн үүргийг гүйцэтгэнэ/ -д тусгагдсны дагуу аймаг, орон нутагт өөрийн төлөөлөгчийг томилж, нэгдсэн төлөвлөгөө гарган хэрэгжүүлж, улирал тутам тайлагнаж байхаар төлөвлөн ажиллаж байна.

2010.6.15-ны өдрийн байдлаар системийн хэмжээнд нийт 29 улсын /ахлах/ байцаагчид захиргааны хариуцлага тооцсноос 16-д нь сануулах, 12-д нь цалин бууруулах, 1 хүнийг үүрэгт ажлаас нь халах сахилгын шийтгэл ногдуулжээ.

Үүнээс: Албан үүргээ хангалтгүй биелүүлсэн 11, удирдлагаас өгсөн үүрэг даалгаврыг хүндэтгэн үзэх шалтгаангүйгээр биелүүлээгүй 7, ажлын цагаар болон албан үүргээ гүйцэтгэх явцдаа согтууруулах ундаа хэрэглэсэн 5, хэрэг бүртгэлтийн материалыг прокурорт хянуулах хугацааг хугацаа хэтрүүлэн ажлын хариуцлага алдсан 4, хүндэтгэх шалтгаангүйгээр ажил тасалсан, эрх мэдлээ хэтрүүлсэн 3, зан харилцааны дутагдал гаргасан 1 байна.


Гурав. Ёс зүйн хороо байгуулсан тушаал

МЭРГЭЖЛИЙН ХЯНАЛТЫН ЕРӨНХИЙ ГАЗРЫН ДАРГЫН ТУШААЛ

2010 оны 02 дугаар сарын 18-ны өдөр Дугаар 67 Улаанбаатар хот

Мэргэжлийн хяналтын ёс зүйн хороо байгуулах тухай

“Засгийн газрын агентлагийн эрх зүйн байдлын тухай хууль”-ийн 8 дугаар зүйлийн 8.4 дэх заалт, “Мэргэжлийн хяналтын ёс зүйн дүрэм”-ийн 2.1 дэх хэсгийг үндэслэн ТУШААХ НЬ:

1. Мэргэжлийн хяналтын улсын байцаагчийн ёс зүйн зөрчлийг шалган тогтоох үүрэг бүхий Мэргэжлийн хяналтын ёс зүйн хороог дараах бүрэлдэхүүнтэйгээр байгуулсугай.

Гишүүд:

Жигжидийн Тогтохбаяр - МХЕГ-ын Уламжлалт анагаах ухааны эм, эмчилгээ оношилгооны чанарын хяналтын улсын ахлах байцаагч

Пүрэвдоржийн Шаравхорол - МХЕГ-ын Санхүүгийн хяналт шалгалтын улсын ахлах байцаагч

Чимээгийн Үржээ - НМХГ-ын Эрүүл мэндийн хяналтын улсын ахлах байцаагч

Загдын Отгон - МХЕГ-ын Байгаль орчны хяналтын улсын ахлах байцаагч

Сүрэнжавын Батмөнх - Чингэлтэй дүүргийн МХХ-ийн Боловсролын хяналтын улсын алхах байцаагч

Лувсандоржийн Цэцэгсайхан - МХЕГ-ын Хөдөлмөр, нийгмийн хамгааллын хяналтын улсын ахлах байцаагч

Чойжилын Алтанцоож - МХЕГ-ын Хуулийн асуудал хариуцсан ахлах мэргэжилтэн

2. Хорооны анхны хуралдааныг зохион байгуулах, хорооны даргыг сонгох арга хэмжээ авч хэрэгжүүлэхийг хорооны гишүүдэд даалгасугай.

3. Ёс зүйн хорооны ажлын албаны үүргийг гүйцэтгэж, хороо, хорооны ажлын албаны уялдаа холбоог хангаж ажиллахыг Хяналт-шинжилгээ, үнэлгээний хэлтэс /Я.Ариунзул/-т үүрэг болгосугай.

ДАРГА Я.СОДБААТАР


Дөрөв. Ёс зүйн хорооны бүрэлдэхүүн


togtokhbayar

МХЕГ-ын Уламжлалт анагаах ухааны эм, эмчилгээ оношилгооны чанарын хяналтын улсын ахлах байцаагч

ЖИГЖИДИЙН ТОГТОХБАЯР

1. Төрсөн аймаг, сум

Говь-Алтай аймгийн Алтай суманд төрсөн.

2. Нас

39

3. Хүйс

Эрэгтэй

4. Ам бүл

4

5. Төгссөн сургууль

-1989-1991 онд Улаанбаатар хотын Анагаах ухааны дунд сургууль,

-1995-2001 онд “Оточ манрамба” Анагаах ухааны дээд сургуулийг тус тус төгссөн. Уламжлалт анагаах ухааны хүний их эмч мэргэжилтэй.

6. Ажлын туршлага

-1993-1995 онд Улаанбаатар хотын Эмийн сангийн 3 дугаар төвд Уламжлалт анагаах ухааны тасгийн эрхлэгч,

-2001-2003 онд Эрүүл мэндийн хяналтын улсын албанд улсын байцаагч,

-2004 оноос өнөөг хүртэл МХЕГ-ын Уламжлалт анагаах ухааны эм, эмчилгээ оношилгооны чанарын хяналтын улсын ахлах байцаагчаар ажиллаж байна.

7. Ажилласан хугацаа

Төрийн албанд 10 жил

Тухайн албан тушаалд 6 жил



sharavkhorol

МХЕГ-ын Санхүүгийн хяналт шалгалтын улсын ахлах байцаагч

ПҮРЭВДОРЖИЙН ШАРАВХОРОЛ

1. Төрсөн аймаг, сум

Өвөрхангай аймгийн Бүрд суманд төрсөн.

2. Нас

56

3. Хүйс

Эрэгтэй

4. Ам бүл

5

5. Төгссөн сургууль

Монгол Улсын Их сургуулийг 1979 онд төгссөн. Санхүү, эдийн засагч мэргэжилтэй.

6. Ажлын туршлага

-1979-1985 онд Дорноговь аймгийн Статистикийн товчоонд мэргэжилтэн, хэлтсийн дарга,

-1985-1994 онд Статистикийн төв газар, Төлөвлөгөө эдийн засгийн улсын хороо, Татварын ерөнхий газарт мэргэжилтэн, хэлтсийн дарга, улсын байцаагч,

-1994-2000 онд Гадаадын хөрөнгө оруулалттай “Интерсервис” ХХК-д ахлах нягтлан бодогч,

-2000-2003 онд СУХШГ-т хэлтсийн дарга,

-2003 оноос одоо хүртэл МХЕГ-т санхүүгийн хяналт шалгалтын улсын ахлах байцаагчаар

7. Ажилласан хугацаа

Төрийн албанд 25 жил

Тухайн албан тушаалд 7 жил



urjee

НМХГ-ын Эрүүл мэндийн хяналтын улсын ахлах байцаагч

ЧИМЭЭГИЙН ҮРЖЭЭ

1. Төрсөн аймаг, сум

Увс аймгийн Сагил суманд төрсөн.

2. Нас

57

3. Хүйс

Эрэгтэй

4. Ам бүл

3

5. Төгссөн сургууль

-1973 онд Говь-Алтай аймгийн Хүн эмнэлгийн техникум,

-1985 онд Анагаах ухааны их сургууль

6. Ажлын туршлага

-1973-1977 онд Сэлэнгэ аймгийн нэгдсэн эмнэлэгт бага эмч,

-1977-1980 онд АА-ын 133 дугаар ангид эмчилгээний эмч,

-1985-1990 онд ЭМЯ-ны ариун цэвэр, гэгээрлийн ордонд тасгийн дарга,

-1990-1993 онд Үндэсний хөгжлийн яаманд эксперт,

-1993-1997 онд Нийслэлийн ЭАХС-ын төвд захирал,

-1997-2001 онд Нийслэлийн ЭМГ-т хэлтсийн дарга,

-2001-2003 онд Эрүүл ахуй, халдвар судлалын хяналтын албанд улсын байцаагч,

-2003 оноос өнөөг хүртэл НМХГ-ын эрүүл мэндийн хяналтын улсын ахлах байцаагчаар ажиллаж байна.

7. Ажилласан хугацаа

Төрийн албанд 31 жил, Тухайн албан тушаалд 7 жил



otgon

ХЕГ-ын Байгаль орчны хяналтын улсын ахлах байцаагч

ЗАГДЫН ОТГОН

1. Төрсөн аймаг, сум

Төв аймгийн Угтаал-Цайдам суманд төрсөн.

2. Нас

48

3. Хүйс

Эрэгтэй

4. Ам бүл

3

5. Төгссөн сургууль

-1980-1985 онд Москва хотын Хими технологийн дээд сургууль

-1997-1999 онд Москва хотын Хими технологийн дээд сургуульд техникийн ухааны магистрийн зэрэг хамгаалсан. Химийн технологич инженер мэргэжилтэй.

6. Ажлын туршлага

-1985-1986 онд мебель картоны комбинатад мастер, чанар шалгагч,

-1986-1995 онд ШУА-ын Химийн хүрээлэнд химийн технологич,

-2006 оноос өнөөг хүртэл МХЕГ-ын Байгаль орчны хяналтын улсын ахлах байцаагчаар ажиллаж байна.

7. Ажилласан хугацаа

Төрийн албанд 14 жил

Тухайн албан тушаалд 4 жил



batmunkh

Чингэлтэй дүүргийн МХХ-ийн Боловсролын хяналтын улсын ахлах байцаагч

СҮРЭНЖАВЫН БАТМӨНХ

1. Төрсөн аймаг, сум

Улаанбаатар хотод төрсөн.

2. Нас

47

3. Хүйс

Эрэгтэй

4. Ам бүл

5

5. Төгссөн сургууль

- 1985 онд Улсын багшийн дээд сургууль

- 2008 онд Төрийн удирдлагын академийг тус тус төгсөж,

- 2000 онд Улсын багшийн их сургуульд магистрын зэрэг хамгаалсан.

6. Ажлын туршлага

-1985 - 1992 онд Архангай аймгийн 2 дугаар 10 жилд багш,

-1992 - 1994 онд 10 жилийн 58 дугаар дунд сургуульд багш,

-1999 - 2000 онд Гэгээрлийн яамны Гэгээрлийн хяналтын улсын албанд мэргэжилтэн,

-2000 - 2003 онд БСШУХУА-нд улсын байцаагч,

-2003 - 2008 онд УМХГ-т улсын байцаагч,

-2008 оноос Чингэлтэй дүүрэг дэх МХХ-т боловсролын хяналтын улсын ахлах байцаагчаар ажиллаж байна.

7. Ажилласан хугацаа

Төрийн албанд 21 жил

Тухайн албан тушаалд 10 жил



tsetsegsaikhan

МХЕГ-ын Хөдөлмөр, нийгмийн хамгааллын хяналтын улсын ахлах байцаагч

ЛУВСАНДОРЖИЙН ЦЭЦЭГСАЙХАН

1. Төрсөн аймаг, сум

Хөвсгөл аймгийн Мөрөн хотод төрсөн.

2. Нас

52

3. Хүйс

Эмэгтэй

4. Ам бүл

3

5. Төгссөн сургууль

-1976 онд Монгол Улсын их сургуулийг төлөвлөгч-эдийн засагч мэргэжлээр төгссөн.

6. Ажлын туршлага

-1980 - 1986 онд ХААЯ-нд цалин хөлсний мэргэжилтэн,

-1986 - 1990 онд Мал, сүү бэлтгэлийн нэгдэлд төлөвлөгөө, эдийн засгийн хэлтсийн дарга,

-1990 - 1991 онд Хүнс хоршоонд нягтлан бодогч,

-1991 - 1997 онд ХАА-н төв биржид маклер,

-1997 - 1998 онд “Гаммарад” ХХК-д нягтлан бодогч,

-1998 - 2002 онд Хөдөлмөр, нийгмийн хамгааллын хяналтын улсын албанд улсын ахлах байцаагч, 2003 оноос МХЕГ-т улсын ахлах байцаагчаар ажиллаж байна.

7. Ажилласан хугацаа

Төрийн албанд 26 жил

Тухайн албан тушаалд 12 жил


altantsooj

МХЕГ-ын Хуулийн асуудал хариуцсан ахлах мэргэжилтэн

ЧОЙЖИЛИЙН АЛТАНЦООЖ

1. Төрсөн аймаг, сум

Говь-Алтай аймгийн Тайшир суманд төрсөн.

2. Нас

44

3. Хүйс

Эмэгтэй

4. Ам бүл

4

5. Төгссөн сургууль

-1991 онд Монгол Улсын Их сургуулийг эрх зүйч мэргэжлээр төгссөн.

6. Ажлын туршлага

-1991-1998 онд Говь-Алтай аймгийн шүүхэд шүүгч,

-1998-2003 онд Санхүүгийн улсын хяналт шалгалтын газарт хуулийн зөвлөх,

-2003 оноос одоо хүртэл МХЕГ-т хуулийн асуудал хариуцсан ахлах мэргэжилтнээр ажиллаж байна.

7. Ажилласан хугацаа

Төрийн албанд 19 жил

Тухайн албан тушаалд 7 жил
 

Мэргэжлийн хяналтын ерөнхий газар
Бидэнтэй харилцах : info@inspection.gov.mn
Утас: 976-11-264786
Факс: 976-11-261425