United-Kingdom-flag-icon

Facebook

YouTube

Share this post
FaceBook  Twitter     

Би вафль печений үйлдвэрт ажилладаг. "Нийслэл вафль" үйлдвэрлэдэг бөгөөд байгуулагдаад 10 гаруй жил болж байна. Гэтэл сүүлийн 2-3 жилийн хугацаанд "Мон дисквит" гэдэг вафлийн үйлдвэр цаастай вафль үйлдвэрлэж эхэлсэн (Өгөөжийнх шиг шар цаастай, дотроо 10 ширхэгтэй). Тус компани хэсэг хугацаанд гарч ирчихээд алга болчихдог. Үйлдвэрлэж байгаа бүтээгдэхүүнээ яг манайх шиг "Нийслэл вафль" гэж нэрлэсэн байна. Тус компани албан ёсны зөвшөөрөлтэй эсэх нь тодорхой бус, шинжилгээнд хамрагдаагүй хүнсний бүтээгдэхүүн борлуулж байгаа учраас үүнийг шалгаж арга хэмжээ авах хэрэгтэй байна. Гаднах цаасан дээр "Мон дисквит" үйлдвэр, хаяг: БГД, Амарсанаагийн гудамж, утас 91189607 (91180607) байна. Хаяг нь тодорхойгүй, утас нь ашиглалтанд байхгүй байна. Мөн би кодоор нь шалгуулахад ийм компани байж байгаад 2007-2008 оны үед татан буугдсан гэсэн мэдээлэл байна. Нарантуяа гэдэг иргэн энэ кодыг авсан юм. Энэ асуудлаар БГД-ийн мэргэжлийн хяналтын байцаагч Цолмонд хандсан боловч тус хүнд хандсан боловч их ажилтай байна гээд арга хэмжээ авч өгөхгүй байна. Тус компани манай үйлдвэрийн нэрийг барьж шаардлага хангахгүй бүтээгдэхүүн зарж байгааг шалгаж арга хэмжээ авч өгөх хэрэгтэй байна. Үүнд хариу өгнө үү.

Шийдвэрлэлт: Мон дисквит үйлдвэр нь 2012 оны 11дүгээр сард Сонгинохайрхан дүүрэгт шилжихээр боллоо гэж Баянгол дүүрэг дэх Мэргэжлийн хяналтын хэлтэст албан бичиг ирүүлсэн байна.Харин Сонгинохайрхан дүүрэгт “Мон дисквит” ХХК гэж албан ёсоор бүртгэлтэй аж ахуйн нэгж байхгүй байна. Тийм учраас Шударга өрсөлдөөн, хэрэглэгчийн төлөө газарт хандах нь зүйтэй. Энэ талаар иргэнд хариуг өгсөн байна. 

2    3    4    5   1